Urime MEDRESANTË, urime BESIMTARË!
Sot është një ditë krenarie për të gjithë shqiptarët dhe besimtarët në Maqedoninë e Veriut. Qeveria miratoi Propozim Ligjin për Shkollat e Mesme të Komuniteteve Fetare, dhe me këtë, diplomat e Medresesë “Isa Beu” në Shkup do të njihen zyrtarisht dhe trajtohen njëjtë si diplomat e të gjitha shkollave të mesme në vend!
Kjo është një fitore e drejtësisë, e besimit dhe e përkushtimit ndaj vlerave që për dekada u anashkaluan dhe u shtypën.
VLEN premtoi dhe realizoi. Pas 22 vitesh manipulime dhe mashtrime nga partitë që merrnin votat e besimtarëve dhe më pas i përndiqnin, sot vjen goditja më e fortë ndaj padrejtësisë.
Adhurimi ndaj Krijuesit, kërkimi i dijes dhe rruga e besimit kurrë nuk humb!
