Ambasadori evropian Mihalis Rokas e vlerësoi pozitivisht Raportin e Parlamentit Evropian dhe theksoi se ai jep mbështetje të fortë për proceset integruese të vendit dhe i mbështet proceset reformuese, veçanërisht në gjyqësor, luftën kundër korrupsionit dhe sfidat e tjera me të cilat përballet shteti. Sipas Rokasit, identiteti dhe gjuha nuk janë pjesë e kornizës negociuese dhe se ato më së miri mbrohen me anëtarësim në Bashkimin Evropian.
“Mendoj se raporti është shumë pozitiv. Për çështjen e identitetit dhe të gjuhës, Parlamenti Evropian është një institucion i pavarur që merr vendime politike në përputhje me të gjitha procedurat e brendshme, por është e rëndësishme të dihet se identiteti dhe gjuha nuk janë pjesë e asnjë kornize negociuese dhe vendi më i mirë dhe mbrojtja më e mirë e tyre është që vendi të bëhet pjesë e Bashkimit Evropian”, tha Rokas.
