Një 18-vjeçar nga Kosova ka humbur jetën në zonën e Kunes, në Shëngjin.
I riu është gjetur pa shenja jete në ujë. Ende nuk janë të qarta rrethanat e ngjarjes, ndërsa po hetohet nëse vdekja ka ardhur si pasojë e mbytjes apo e një arresti kardiak gjatë qëndrimit në det.
Trupi i pajetë është dërguar në morgun e Lezhës, ku pritet të kryhet ekspertiza mjekoligjore për të përcaktuar shkakun e vdekjes.
Policia ka nisur hetimet për zbardhjen e plotë të rrethanave të ngjarjes.
