Mëngjesin e sotëm në një fabrikë në lagjen Gjorçe Petrov të Shkupit ka ndodhur një incident tragjik, ku një punëtor ka humbur jetën gjatë operimit të një roboti industrial për paketimin e produkteve të gatshme.
Sipas informacioneve jozyrtare, gjatë përdorimit të robotit ka ndodhur një sekuencë e pakontrolluar e funksionimit, e cila ka rezultuar me humbjen e jetës së punëtorit. Ende nuk dihet nëse shkak ka qenë një defekt teknik, mospërputhje me protokollet e sigurisë apo një gabim në softuer.
Policia dhe Inspektorati i Punës kanë dalë në vendngjarje dhe kanë siguruar fabrikën. Ekipet teknike tashmë po analizojnë sistemin dhe pajisjet, ndërsa detaje zyrtare mbi shkaqet e aksidentit pritet të bëhen të ditura në ditët në vijim.
