Sot është një ditë e jashtëzakonshme për humanistin Halil Kastrati, i cili feston jo vetëm 50-vjetorin e lindjes, por edhe 20-vjetorin e birit të tij, Uwejsit – një djalë i veçantë, autik, që ka ndikuar thellë në jetën e tij.
Në një postim prekës në rrjetin social Facebook, Kastrati ndau emocionet më të sinqerta për lidhjen e pandashme me të birin, duke e quajtur atë “mësuesi i tij i jetës”. “Uwejsi nuk flet si ne, por Zoti e ka pajisur me një gjuhë tjetër, me gjuhën e zemrës,” shkruan ai, duke përshkruar se si heshtja e të birit flet më shumë se çdo fjalë.
Postimi është bërë viral, duke prekur zemrat e mijëra njerëzve që ndjekin punën dhe jetën e Kastratit, i njohur për humanizmin e tij, por mbi të gjitha, për zemrën e madhe si prind.
“Sot nuk festoj vetëm një ditëlindje, por festoj edhe dhuratën më të madhe që më është bërë ndonjëherë: Të të kem ty pranë,” përmbyll ai mesazhin e tij, duke përcjellë një mësim të fuqishëm për dashurinë pa kushte.
“Love needs no words” – sepse dashuria e tij flet më shumë se çdo gjuhë në botë.”
