Vendi do të përballet me mot dukshëm më të ftohtë gjatë ditëve në vijim, me temperatura të ulëta dhe reshje të dendura shiu. Nesër në mëngjes pritet rënie e ndjeshme e temperaturave, të cilat do të zbresin deri në minus katër gradë Celsius. Sipas sinoptikëve, nga e marta e deri në fund të javës vendi do të përfshihet nga mot i ndryshueshëm me reshje të herëpashershme të shiut, ndërsa më intensive ato do të jenë të mërkurën dhe të premten.
“Më ftohët do të jetë nesër në mëngjes, do kemi mëngjes më të kthjellët me temperaturë më të ulët e cila do të jetë në interval prej -4 deri në +4 gradë, nesër në mesditë do të ketë paraqitje të mjegullës dhe temperatura ditore do të mbetet e ulët. Nga dita e martë deri në fund të javës do të kemi mot të ndryshueshëm, me reshje lokale të herë pas hershme, reshje më të rrëmbyeshme pritet të mërkurën dhe të premten, ku temperaturat përsëri do të jenë pozitive, ditoret në ditët në vijim do të jenë në intervalin prej 6 deri në 12 gradë”, tha Juliana Fidanoska Mishkoska, sinoptike .
Temperaturat më të ulëta ditëve në vijim priten të përfshijnë Berovën, Dellçevën, Kriva Pallankën, si dhe në Shtip, Demir Kapi, Strumicë, ku temperaturat më të ulëta do të jenë deri në minus një gradë celsius. Sinoptikët gjithashtu paralajmërojnë se ditëve në vijim në viset e larta malore reshjet e shiut do të shndërrohen në reshje të borës./Alsat.mk
