Ditës Ndërkombëtare të Punës, ministrja e Financave Gordana Dimitrieska-Koçoska në Fejsbuk dërgoi urime për të gjithë punëtorët të cilët, siç theksoi, me përkushtimin, dijen dhe përgjegjësinë e tyre, kontribuojnë për zhvillimin e shoqërisë.
“Puna është një nga vlerat më të mëdha mbi të cilën ndërtohet dinjiteti i çdo personi, dhe për këtë arsye është themeli i çdo vendi të përparuar dhe të qëndrueshëm. Çdo sukses fillon nga personi dhe varet nga siguria, stabiliteti dhe motivimi i tij. Kjo është arsyeja pse ne mbetemi të përkushtuar ndaj politikave që nënkuptojnë një standard më të mirë jetese, avancimin e të drejtave të punëtorëve dhe hapjen e mundësive të reja të punësimit”, shkroi ministrja.
Dimitrieska-Koçoska bëri thirrje që të vazhdojmë ta ndërtojmë vendin së bashku si një shtet të drejtë, solidar dhe dinjitoz për secilin qytetar të tij.
